უკრაინის იუსტიციის სამინისტრო მიხეილ სააკაშვილის ექსტრადიციის საკითხს არ განიხილავს

საქართველოს ყოფილი პრეზიდენტის მიხეილ სააკაშვილის უკრაინაში ექსტრადიციის საკითხი არ განიხილება, ვინაიდან მის მიმართ ქვეყანაში არ არის აღძრული სისხლის სამართლის საქმე და არ არსებობს სასამართლოს განაჩენი. ამის შესახებ სააგენტო unn-ს უკრაინის იუსტიციის სამინისტროში განუცხადეს.

სამინისტროს განმარტებით, უკრაინის სისხლის სამართლის საპროცესო კოდექსის თანახმად, ექსტრადიცია -  ეს არის პირის გადაცემა სახელმწიფოსთვის, კომპეტენტური ორგანოებისათვის, რომლებიც ამ პირს ეძებენ სისხლის სამართლის პასუხისგებაში მიცემისა ან განაჩენის აღსრულებისთვის.

„ამგვარად, უკრაინაში პირის ექსტრადიციის პროცედურა შესაძლებელია უკრაინის კომპეტენტური ორგანოების ინიცირებით მხოლოდ პირის მიმართ უკრაინის ტერიტორიაზე სისხლის სამართლის წარმოების ან სასამრთლოს განაჩენის შემთხვევაში“, - განმარტავენ უკრაინის იუსტიციის სამინისტროში.