ჩემი პროტესტის ფორმა არის აბსოლუტურად მშვიდობიანი. არ ვაპირებ არც სხდომების, კომიტეტების ან ვინმეს მუშაობაში ხელის შეშლას - ელენე ხოშტარია

მინდა, ვთქვა, მათ შორის, „ქართული ოცნების“ გასაგებად, მე ვარ პარლამენტში, ეს პროტესტის ფორმა არის აბსოლუტურად მშვიდობიანი. არ ვაპირებ არც სხდომების, კომიტეტების ან ვინმეს მუშაობაში ხელის შეშლას, -  ამის შესახებ „დროას“ თავმჯდომარე ელენე ხოშტარიამ განაცხადა.

მისი თქმით, შიმშილობას გაარძელებს მანამდე, ვიდრე მიხეილ სააკაშვილს არ გადაიყვანენ სამოქალაქო კლინიკაში და მისი ჯანმრთელობის გარანტიები არ იქნება.

"ეს არის ყველაზე მინიმალური და რეალისტური მოთხოვნა, რაც აბსოლუტურად ყველას ინტერესში შედის. ვერ წარმომიდგენია, როგორ მივედით აქამდე, რომ ადამიანის სიკვდილზე ვსაუბრობთ ასე ხელაღებით. აბსოლუტურად მშვიდად ვაგრძელებ პროტესტს. ერთი რამ მინდა, ვთქვა, მათ შორის, „ქართული ოცნების“ გასაგებად, მე ვარ პარლამენტში, ეს პროტესტის ფორმა არის აბსოლუტურად მშვიდობიანი. არ ვაპირებ არც სხდომების, კომიტეტების ან ვინმეს მუშაობაში ხელის შეშლას. არა იმიტომ, რომ ეს არ მიქნია არასდროს, არამედ იმიტომ, რომ მიმაჩნია, მშვიდობიანი პროტესტის ფორმა არის მნიშვნელოვანი და არავის ვეჯინები. კონტაქტი არავის ჰქონია უმრავლესობიდან, ოპოზიციური პარტიები ყველანი კონტაქტზე არიან. დღეს შემეხმიანა ამერიკის საელჩო, გავაცანი ჩემი მოთხოვნები. ხან „ლელოში“ ვიქნები, ხან „ნაციონალური მოძრაობის“ ფრაქციაში. შეთავაზებები ბევრი ფრაქციიდან მაქვს, მაგრამ პარლამენტიდან ფეხს არ გავადგამ", - თქვა ხოშტარიამ.

გუშინ "დროას" ლიდერმა განაცხადა, რომ პარლამენტის შენობაში შიმშილობას იწყებს. ელენე ხოშტარია მხოლოდ წყალს მიიღებს.