ბევრი ადამიანი ვიცი, რომელსაც არ შემოუხაზავს ხუთიანი არასდროს და 14 ოქტომბრის აქციაზე მოდის, რადგან თვლის, რომ უკანონობაა, რაც დღეს ქვეყანაში ხდება - უდუმაშვილი

მე პირადად ძალიან ბევრი ადამიანი მეუბნება ისეთი, რომელსაც არ შემოუხაზავს ხუთიანი არასდროს და არც აპირებს მომავალში შემოხაზოს და ამ აქციაზე მოდის, რადგან თვლის, რომ უკანონობაა, რაც დღეს ქვეყანაში ხდება, - განაცხადა „ნაციონალური მოძრაობის“ წევრმა, ზაალ უდუმაშვილმა 14 ოქტომბერს დაგეგმილ აქციაზე საუბრისას.

მისი თქმით, „ნაციონალური მოძრაობა“  აქციაზე საქართველოს მოსახლეობას ელოდება.

„ჩვენ ნამდვილად არ ვუყურებთ ასე, რომელი პარტია მოვა ან რომელი პარტია არ მოვა ამ აქციაზე. ჩვენ ველოდებით საქართველოს მოსახლეობას მათი პარტიული კუთვნილების მიუხედავად, რადგან დღეს საქართველოს მოსახლეობის აბსოლუტური უმრავლესობა თვლის, რომ მიხეილ სააკაშვილი უკანონოდ არის საპატიმრო დაწესებულებაში, ის უნდა გათავისუფლდეს. ოპოზიციის ერთიანობა ყოველთვის კარგია, თუმცა ბუნებრივია, ყველა პარტიას გააჩნია თავისი დღის წესრიგი და თვითონ ირჩევს გზას, რომელსაც უნდა გაყვეს, თუმცა არ ვთვლი, რომ ეს არის კონკრეტული პარტიული აქცია, ეს არის საყოველთაო აქცია და ამაში დარწმუნდება ყველა 14 ოქტომბერს, როდესაც დაინახავს ხალხის რაოდენობას, რომელიც გამოვა რუსთაველზე. მე პირადად ძალიან ბევრი ადამიანი მეუბნება ისეთი, რომელსაც არ შემოუხაზავს ხუთიანი არასდროს და არც აპირებს მომავალში შემოხაზოს და ამ აქციაზე მოდის, რადგან თვლის, რომ უკანონობაა, რაც დღეს ქვეყანაში ხდება“, – განაცხადა უდუმაშვილმა.  

"ნაციონალური მოძრაობა" 14 ოქტომბერს მიხეილ სააკაშვილის გათავისუფლების მთხოვნით, რუსთაველის გამირზე აქციას გეგმავს.