"ქართულ ოცნებასთან“ შესათანხმებელი არაფერი გვაქვს - გიორგი ბარამიძე

ჩვენ „ქართულ ოცნებასთან“ არაფერი შესათანხმებელი არ გვაქვს, - აცხადებს ერთიანი ნაციონალური მოძრაობის წარმომადგენელი გიორგი ბარამიძე. მისი თქმით, პარტია "ქართულ ოცნებასთან"არაფერში შეთანხმებას არ უპირებს.

ბარამიძის შეფასებით, დიალოგის მომხრე იმ პოლიტიკურ ძალასთან იქნებიან, რომელიც არა ბუტაფორიული ოპოზიცია, არამედ „რეჟიმის ნამდვილი ოპოზიციაა.“

„პოლიტსაბჭოზე განხილვის თემა იქნება მიხეილ სააკაშვილის პატიმრობა, შიმშილობა და მისი გმირული თავგანწირული ნაბიჯი არის უმნიშვნელოვანესი სტიმული თითოეული ჩვენგანისთვის, რომ ვებრძოლოთ ამ პუტინისტურ რეჟიმს, რომელიც ქვეყნის ხელისუფლებაშია. მიხეილ სააკაშვილი პუტინის ტყვეობაში მოშიმშილე გვამხნევებს და გვაძლევს ვაჟკაცური ბრძოლის მაგალითს. ბუნებრივია, ეს არის როგორც საპროტესტო აქციები, ასევე რეჟიმის არალეგიტიმურობის კიდევ ერთხელ ხაზგასასმელად მეორე ტურებში მთელს ოპოზიციასთან ერთად დიდი ბრძოლა უნდა გავმართოთ, რაც იქნება სერიოზული ნაბიჯი საქართველოს და მიხეილ სააკაშვილის გასათავისუფლებლად, თუ მანამდე საერთაშორისო საზოგადოებასთან და უკრაინის მთავრობასთან ერთად ვერ მოვახერხეთ ამის გაკეთება, ეს არის ჩვენი ამოცანა, რომ მანამდე მოვახერხოთ.

კოორდინაცია უკრაინის მთავრობასთან არ გვაქვს, მათ ჩვენთან კოორდინაცია არ სჭირდებათ. მიხეილ სააკაშვილი არის უკრაინის მოქალაქე და უკრაინის პრეზიდენტმა ერთმნიშვნელოვნად განაცხადა, თუ რას აპირებს იგი“, - აღნიშნა გიორგი ბარამიძემ.