რუსეთში გაუჩინარებული თვითმფრინავის ნამსხვრევები იპოვეს

რუსეთის საგანგებო სიტუაციების სამინისტროს სამაშველო ვერტმფრენმა ხაბაროვსკის მხარეში რადარებიდან გაუჩინარებული სამხედრო-სატრანსპორტო თვითმფრინავ Ан-26-ის ნამსხვრევები იპოვა.

საგანგებო სიტუაციების სამინისტროს ინფორმაციით, როგორც ჩანს თვითმფრინავი სიმაღლიდან ჩამოვარდა, რადგან სრულიად დამსხვრეულია.

მათივე განცხადებით, ბორტზე მყოფი ეკიპაჟის წევრების შესახებ ინფორმაცია უცნობია.

რუსეთის შორეულ აღმოსავლეთში, ხაბაროვსკის მახლობლად სამხედრო-სატრანსპორტო თვითმფრინავი Ан-26 რადარებიდან გუშინ გაუჩინარდა. თვითმფრინავის ბორტზე იმყოფებოდა ეკიპაჟის 6 წევრი. თვითმფრინავი ტექნიკურ ფრენას ახორციელებდა.