საქართველოს, მოლდოვის და უკრაინის პრეზიდენტებმა პეტრას ციხეზე ერთობლივ დეკლარაციას მოაწერეს ხელი

„აღმოსავლეთ პარტნიორობის“ სამი ასოცირებული ქვეყნის – საქართველოს, მოლდოვის და უკრაინის პრეზიდენტებმა პეტრას ციხეზე ერთობლივ დეკლარაციას მოაწერეს ხელი.

აღმოსავლეთ პარტნიორობის სამი ასოცირებული ქვეყნის პრეზიდენტების დეკლარაციაში აღნიშნულია, რომ სამ ქვეყანას ევროკავშირში გაწევრიანების მიზანი აერთიანებს.

„ევროპულ ინტეგრაციას, ჩვენი ქვეყნებისთვის ალტერნატივა არ გააჩნია და ამ სუვერენულ არჩევანზე ვერცერთი მესამე მხარე გავლენას ვერ მაოხდენს. ევროკავშირთან ურთიერთობაში ჩვენ უკვე მივაღწიეთ მნიშვნელოვან პროგრესს. ჩვენ ზურგს გვიმაგრებს ჩვენი ხალხების ძლიერი სურვილი გავხდეთ ევროპული ოჯახის ნაწილი და ერთად ვართ ჩვენს მისწრაფებაში ვიმუშაოთ საქართველოს, მოლდოვასა და უკრაინის ევროპული პერსპექტივის აღიარებისთვის, რომელიც ევროკავშირში ჩვენი სამი ქვეყნის მომავალ წევრობას გაუხსნის გზას“, – აღნიშნულია დეკლარაციაში.