ბრიტანეთისა და პოლონეთის საგარეო უწყებებში რუსეთის ელჩები დაიბარეს

დიდი ბრიტანეთის საგარეო საქმეთა სამინისტრომ რუსეთის ელჩი უწყებაში დაიბარა.

გავრცელებული ინფორმაციით, რუსი დიპლომატის დაბარება უკავშირდება „დიდი ბრიტანეთის ღრმა შეშფოთებას რუსეთის ქმედებების მტრული ხაზის, მათ შორის კიბერშტევების, დემოკრატიულ პროცესებში ჩარევის, უკრაინის საზღვართან სამხედრო ძალების გაადადგილებისა და ყირიმის უკანონო ანექსიის გამო“.

ამასთან, ცნობილი გახდა, რომ რუსეთის ელჩი დაიბარეს პოლონეთის საგარეო საქმეთა სამინისტროშიც, რაც უკავშირდბა აშშ-ის მიერ რუსეთის წინააღმდეგ ახალი სანქციების დაწესებას, ასევე უკრაინის აღმოსავლეთ საზღვართან არსებულ ვითარებას.

დღეს ცნობილი გახდა, რომ შეერთებული შტატების პრეზიდენტმა, ჯო ბაიდენმა ხელი მოაწერა აღმასრულებელ განკარგულებას, რითაც სანქციების ახალი პაკეტი დამტკიცდა რუსეთის ფედერაციის წინააღმდეგ, ამერიკის არჩევნებში ჩარევის მცდელობისა და სამთავრობო სტურუქტურებზე მასშტაბური კიბერთავდასმის გამო.

სანქცირებულთა სიაში შედის 32 ფიზიკური და იურიდიულ პირი.