სამწუხარო და მცდარ გადაწყვეტილებად მივიჩნევ, ამას არ დავმალავ - გიგა ბოკერია თანაგუნდელების წასვლაზე

"სამწუხაროა, რომ დღეს ჩვენთან ერთად არ არიან ჩვენი ყოფილი თანაგუნდელები, არაერთი ლიდერი, ვისთან ერთადაც ჩვენ მთელი ეს რთული გზა გავიარეთ. მე ეს მიმაჩნია მათი მხრიდან სამწუხარო და მცდარ გადაწყვეტილებად, ამას არ დავმალავ", - განაცხადა ევროპული საქართველოს ახლადარჩეულმა თავმჯდომარემ გიგა ბოკერიამ.

"ვისურვებდი, რომ ეს ასე არ ყოფილიყო განსაკუთრებით ასეთ დროს, რთულ ვითარებაში, მხოლოდ ამ პარტიისთვის კი არა, მთელი ქვეყნისთვის.

რა თქმა უნდა, პატივი უნდა ვცეთ მათ მოსაზრებას, მათ გადაწყვეტილებას. მინდა ვისარგებლო შემთხვევით და მადლობა ვუთხრა მათ ერთად გავლილი გზისთვის, წარმატება ვუსურვო მომავალ გზაში, თუ ეს გზა ემთხვევა ჩვენს ინტერესებს და ჩვენი ქვეყნის ღირებულებებს", - განმარტა გიგა ბოკერიამ.

მანამდე "ევროპული საქართველოს" დატოვების შესახებ განაცხადეს პარტიის თავმჯდომარემ, დავით ბაქრაძემ და გენერალურმა მდივანმა, გიგი უგულავამ.

"ევროპული საქართველოს" თავმჯდომარედ ყრილობამ გიგა ბოკერია აირჩია.