ვიქტორ დოლიძემ: ეთნიკურ წმენდაზე პასუხისმგებლობა, მთლიანად რუსეთის ფედერაციას ეკისრება

საქართველო, თბილისი - 11:41 | 28.01.2016

ნანახია: 2134

ეთნიკურ წმენდაზე პასუხისმგებლობა, მთლიანად რუსეთის ფედერაციას ეკისრება, - განაცხადა "თავისუფალი დემოკრატების" წევრმა, ვიქტორ დოლიძემ ჰააგის სასამართლოს გადაწყვეტილების საკითხზე კომენტირებისას. ჰააგის სისხლის სამართლის საერთაშორისო სასამართლომ დააკმაყოფილა პროკურორ ფატუ ბენსუდას მოთხოვნა 2008 წლის ომის გარემოებების გამოძიების შესახებ.

“ჰააგის მიერ მნიშვნელოვანი გადაწყვეტილება იქნა მიღებული. ქართული მხარის მიერ მიწოდებული არგუმენტაცია, დარწმუნებული ვარ, მყარი იყო, რასაც ჰააგის სასამართლო ვერ გაექცა. ეთნიკურ წმენდაზე პასუხისმგებლობა, მთლიანად რუსეთის ფედერაციას ეკისრება და დეოკუპაციის მნიშვნელობას კიდევ ერთხელ უსვამს ხაზს. ჰააგაში ინტენსიური მუშაობა უნდა გავაგრძელოთ, რათა მიღებული იქნას საბოლოო გადაწყვეტილება. ეს, საერთაშორისო ასპარეზზე, დეოკუპაციის თვალსაზრისით, საქართველოს ხელში მნიშვნელოვანი ბერკეტი იქნება. იმის ილუზია არ მაქვს, რომ ეს უახლოეს მომავალში მოხდება, მაგრამ დარწმუნებული ვარ, სამართალი იზეიმებს.” - განაცხადა 2030-ში სტუმრობისას ვიქტორ დოლიძემ.