ოპოზიციამ დაგეგმილი აქციები გადადო

ოპოზიციამ დაგეგმილი აქციები გადადების გადაწყვეტილება მიიღო. როგორც "სტრატეგია აღმაშენებლის" წევრმა პაატა მანჯგალაძემ განაცხადა, ოპოზიციამ მიიღო გადაწყვეტილება დროებით გადაავადოს მშვიდობიანი, არაძალადობრივი აქციები, რაც იყო დაგეგმილი იყო 16 მარტამდე,

"იმისთვის, რომ ხელისუფლებას არ მივცეთ დამატებითი საფუძველი, დამატებითი მიზეზი, უარი თქვას მოლაპარაკებაზე ან ჩაშალოს მოლაპარაკება, ოპოზიციამ მივიღეთ გადაწყვეტილება, დროებით გადავდოთ ის მშვიდობიანი, არაძალადობრივი აქციები, რაც გვქონდა დაგეგმილი 16 მარტამდე, იმ დრომდე, სანამდეც არის გაწერილი მოლაპარაკების ვადა", - თქვა პაატა მანგჯალაძემ.

მისივე თქმით, ცალკეულ პარტიებს, სურვილის შემთხვევაში, ექნებათ აქციების მოწყობის საშუალება, თუმცა, პირობაა, რომ აქციები არ გაიმართოს სახელმწიფო და პოლიციის შენობებთან ახლოს.

ამასთან, ძალაში რჩება ხვალ, 4 მარტს დაგეგმილი მსვლელობა მანქანებით.