მზად ვარ, ოპოზიციასთან შეხვედრას დავესწრო - ირაკლი ღარიბაშვილი

საქართველოს პრემიერ-მინისტრი ირაკლი ღარიბაშვილი აცხადებს, რომ იგი მზადაა, მოლაპარაკებებისთვის ოპოზიციას შეხვედეს. ამის შესახებ ღარიბაშვილმა ევროკავშირის საბჭოს პრეზიდენტ შარლ მიშელთან ერთობლივ პრესკონფერენციაზე განაცხადა.

"მინდა, გამოვეხმაურო შარლ მიშელის მიერ გაჟღერებულ ბრწყინვალე ინიციატივას, რომელიც შეეხება შესაძლო შეხვედრას ჩემსა და ოპოზიციას შორის. მინდა, დავადასტურო საჯაროდ – მე ვარ მზად, ამ შეხვედრას დავესწრო და მივიღო შეხვედრაში მონაწილეობა. მინდა, მზაობა დავადასტურო ჩვენი გუნდის სახელით, რომ ჩვენ ყველაფერს გავაკეთებთ იმისთვის, რომ კონკრეტული ნაბიჯები იქნას გადადგმული დეესკალაციისთვის და რეალური, კონსტრუქციული დიალოგისთვის. მინდა, მადლობა გადავუხადო ამ ინიციატივისთვის ბატონ პრეზიდენტს",- განაცხადა ირაკლი ღარიბაშვილმა.

შარლ მიშელმა განაცხადა, რომ დღეს საღამოს შედგეს შეხვედრა ოპოზიციასა და ხელისუფლებას შორის. "დადგა დრო, ფასილიტაციიდან მედიაციაზე გადავიდეთ", - განაცხადა მიშელმა.