რუსეთი ისე გვექცევა, მიუღებელია, რუსული ვაქცინა ჩვენი ქვეყნის მოსახლეობამ გაიკეთოს

რუსეთი ისე გვექცევა, მიუღებელია, რუსული ვაქცინა ჩვენი ქვეყნის მოსახლეობამ გაიკეთოს - ბიძინა კულუმბეგოვი

საქართველო, თბილისი - 17:19 | 03.02.2021

ნანახია: 1353

რუსეთი ისე გვექცევა, მიუღებელია, რომ ამ ქვეყანაში გაკეთებული ვაქცინა ჩვენი ქვეყნის მოსახლეობამ გაიკეთოს, - ამის შესახებ ალერგოლოგმა ბიძინა კულუმბეგოვმა "ფორმულას" გადაცემა "კომენტარში" განაცხადა.

"რუსული ვაქცინა ტექნოლოგიურად მათ დაამზადეს. კვლევებიც ჩაატარეს. გუშინ მსოფლიოში ავტორიტეტით და რანჟირებით რიგით მეორე სამედიცინო ჟურნალმა ლანცეტმა გამოაქვეყნა საკმაოდ დიდი კვლევა, 21 ათს ადამიანზე ჩატარებული.

მარეგულირებელ ორგანოებს დიდი და მკაცრი მოთხოვნები აქვთ, ევროპის მარეგულირებელი სააგენტო იქნება თუ ამერიკის FDA, რომელიც ყველაზე მკაცრია ამ თვალსაზრისით. ეჭვი მეპარება, ამერიკაში და ევროკავშირის რომელიმე ქვეყანაში ასე ხელაღებით გაიყიდოს რუსული ვაქცინა.

თუმცა, რაც არ უნდა აღიარება ჰქონდეს რუსულ ვაქცინას, ჩვენ შემთხვევაში მორალური წნეხიც შეიძლება უფრო ძლიერი იყოს. რუსეთი ისე გვექცევა, მიუღებელია, რომ ამ ქვეყანაში გაკეთებული ვაქცინა ჩვენი ქვეყნის მოსახლეობამ გაიკეთოს. ამიტომ აქცენტი უნდა გავაკეთოთ ევროკავშირსა და აშშ-ში გაკეთებული ვაქცინები", - თქვა ბიძინა კულუმბეგოვმა.