თუ ხელისუფლება გაადაწყვეტს რომ კრიზისი განმუხტოს, მზად ვიქნებით მოლაპარაკებებში მონაწილეობა მივიღოთ - სერგი კაპანაძე

ოპოზიციასა და ხელისუფლებას შორის კონსულტაციები დაპირისპირებულ მხარეებს შორის ელჩების შუამავლობით ამ კვირაში უნდა გაიმართოს. ოპოზიცია კვლავაც აცხადებს, რომ "ქართული ოცნების" განცხადებების და ინიციატივების მიუხედავად ის მზად არის მოლაპარაკებისთვის.

ოპოზიციის წარმომადგენლები ვითარების განსამუხტად კონკრეტულ წინადადებას სწორედ მმართველი გუნდისგან ელოდებიან.

"ჩვენი მხრიდან მოთხოვნები იგივეა, რომელსაც ჩვენ არ შევცვლით. ამიტომ, რაც არ უნდა შეეცადოს ბიძინა ივანიშვილი მუქარებით, შანტაჟითა და პარტიების დაფინანსების შეწყვეტით ჩვენზე ზეწოლას, ეს ყველაფერი ფუჭი იქნება. თუ ისინი გადაწყვეტენ რომ ეს კრიზისი განმუხტონ, მაშინ ჩვენ მზად ვიქნებით რომ მოლაპარაკებებში მონაწილეობა მივიღოთ," - აღნიშნავს "ევროპული საქართველო - მოძრაობა თავისუფლებისთვის” პოლიტიკური საბჭოს წევრი სერგი კაპანაძე.