ყარაბაღში აზერბაიჯანის დანაყოფებს 150 თურქი სამხედრო ხელმძღვანელობს - ნიკოლ ფაშინიანი

სომხეთის პრემიერ მინისტრმა ნიკოლ ფაშინიანმა განაცხადა, რომ მთიან ყარაბაღში აზერბაიჯანის არმიის სხვადასხვა დანაყოფების სამხედრო მოქმედებებს  ხელმძღვანელობს 150 თურქი სამხედრო.  

„ჩვენი სამხედროების ინფორმაციით, საბრძოლო მოქმედებებში ჩართულნი არიან სირიელი დაქირავებულები და ტერორისტები, თურქი სპეცრაზმელები“, - აღნიშნა მან.

„აზერბაიჯან-თურქეთის ტერორისტული თავდასხმის მასშტაბები მეოცე საუკუნეში უპრეცენდენტოა“, - დასძინა ფაშინიანმა.

მისი თქმით, შეხების მთელ ხაზზე მოწინააღმდეგეები უტევენ ასობით ტანკით, ქვეითთა საბრძოლო მანქანით, ათასობით ჭურვითა და რაკეტით, ასობით თვითმფრინავითა და ასობით უპილოტო საფრენი აპარატით, ათობით ათასი ქვეითით.

„ერთ საბრძოლო პოსტს უტევს მოწინააღმდეგის 150-200 ჯარისკაცი, ეს იერიშები მეორდება, სარაკეტო და საარტილერიო დარტყების თანხლებით“, - განაცხადა ფაშინიანმა.

მისივე თქმით, ამის მიუხედავად, აზერბაიჯანის ძალებმა სტრატეგიული ამოცანების გადაჭრა ვერ შეძლეს.