გავრცელდა აუდიოჩანაწერი, რომელშიც სანდრო ბრეგაძე რუსეთის ფედერაციის საბჭოს წევრს ესაუბრება

საქართველო, თბილისი - 19:14 | 21.09.2020

ნანახია: 1387

სოციალურ ქსელ youtube-ის გვერდზე ქართული მარშის ლიდერის, სანდრო ბრეგაძის, აუდიოჩანაწერი გავრცელდა, რომელშიც ის რუსეთის ფედერაციის საბჭოს წევრს, იგორ მოროზოვს ესაუბრება. იგორ მოროზოვი ფსბ-ს პოლკოვნიკი იყო და მას კგბ-ს ინსტიტუტი აქვს დამთავრებული.

აუდიოჩანაწერში იგორ მოროზოვი სანდრო ბრეგაძეს გარკვეულ ბიზნეს ინტერესებზე და "ფულის შოვნაზე" ესაუბრება. კერძოდ, რუსი მაღალჩინოსანი ინტერესდება, გაიყიდება თუ არა საქართველოში თხევადი გაზი. აუდიოჩანაწერი დაახლოებით 5-წუთიანია.

-სანდრო, გამარჯობა. -საღამო მშვიდობის, იგორ ნიკოლაევიჩ, როგორ ხართ? -არამიშავს, შენი საქმე როგორ მიდის? -როგორც იტყვიან, კორონავირუსია ჩვენთან, სხვა მხრივ ყველაფერი კარგად. -იცი რა მითხარი, გაზის თემა ქართულ ბაზარზე აქტუალურია? -კი კი, რა თქმა უნდა. -ჩემი მეგობრები მთავაზობენ ასეთ კარგ წინადადებას. მათი თქმით, საქართველოში გაზის ბიზნესი შესაძლოა წარმატებული აღმოჩნდეს. თუ ამ თემას შენ საქართველოში მოაგვარებ, არც ისე ცოტას გამოიმუშავებ ცხოვრებაში. -ძალიან კარგი, იგონ ნიკოალევიჩ. -მოკლედ, მიხედე საქმეს. პროპანით და ბუტანით შენ შეგიძლია გახდე სერიოზული ლიდერი. მე მოვილაპარაკებ პარტნიორებთან, რომ შენ იქნები ლიდერი.