დიდმა ბრიტანეთმა კორონავირუსის ეპიდემიის პიკი გადალახა - ბორის ჯონსონი

დიდი ბრიტანეთის პრემიერ მინისტრმა ბორის ჯონსონმა განაცხადა, რომ ქვეყანამ კორონავირუსის ეპიდემიის პიკი გადალახა და პირობა დადო, რომ შემდეგ კვირას ეკონომიკის აღდგენის დეტალურ გგემას წარადგენს. მისევე თქმით, გაიხსნება სასწავლო დაწესებულებებიც.

„შემიძლია განვაცხადო, რომ პიკი გადავლახეთ... ჩვენ ქვევით ვეშვებით“, - აღნიშნა ჯონსონმა ბრიფინგზე.

„მომავალ კვირას წარვადგენ ჩვენი ეკონომიკის ამოქმედებისა და სწავლის განახლების დეტალურ გეგმას“, - განაცხადა პრემიერმა.

 ამასთან, აღნიშნა, რომ ჯერჯერობით საუბარი საკარანტინო ზომების გაუქმების ან შერბილების შესახებ, ნაადრევია.