დიდი ბოდიში, ვისაც იმედები გავუცრუეთ და არ არის ქვეყანაში ფართომასშტაბიანი ეპიდემია - პაატა იმნაძე

ძალიან დიდი ბოდიში იმათთან, ვისაც იმედები გავუცრუეთ და არ არის ქვეყანაში ფართომასშტაბიანი ეპიდემია, ჯერჯერობით, - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ განაცხადა.
მისი თქმით, ტესტირების გარეშე ბევრი პაციენტი რომ რჩებოდეს, საავადმყოფოები გადავსებული იქნებოდა პნევომიით დაავადებული ადამიანებით.

„ჩვენ რომ მარტო ტესტების იმედზე ვიყოთ ამ ქვეყანაში და ჩვენ რომ გვეპარებოდეს ბევრი პაციენტი, საქართველოს საავადმყოფოები უკვე სავსე იქნებოდა პაციენტებით, საქართველოს საავადმყოფოები ვერ დაიტევდა პნევმონიან ავადმყოფებს. კარგი, ზოგიერთმა არ იცის ეს, მაგრამ ვინც იცის, იმან მაინც ხომ უნდა იცოდეს, -აღნიშნა იმანძემ

მისი თქმით, არც ერთი მაჩვენებლით, დღეს ქვეყანაში ფართო გავრცელება არ არსებობს.

"ჩვენ რამდენიმე თვე გვქონდა ქვეყანაში ზედამხედველობის მეთოდი, რომელიც მუდმივად ტარდება ტარდება ქვეყანაში გრიპისმაგვარი დაავადებებისთვის და რომელიც იტესტება ზამთრიდან მოყოლებული 22 სხვადასხვა ვირუსზე, მათ შორის, გრიპის ვირუსზე, პლუს, კორონავირუსები. არც ერთ ამ ადგილას კორონავირუსი არ გამოჩენილა. ამას ემატება სხვა ინდიკატორები, რაც შეეხება პნევმონიებს, მძიმე მწვავე რესპირაციულ სინდრომებს ქვეყანაში ანუ არც ერთი მაჩვენებლით, დღეს ჩვენ ქვეყანაში ფართო გავრცელება არ გვაქვს. 

კიდევ ერთხელ - ძალიან დიდი ბოდიში იმათთან, ვისაც იმედები გავუცრუეთ და არ არის ქვეყანაში ფართომასშტაბიანი ეპიდემია, ჯერჯერობით ”, - განაცხადა იმნაძემ.