დაინფიცირებული პაციენტების შესახებ დეტალური ინფორმაცია აღარ გაიცემა - მარინა ეზუგბაია

ინფექციური საავადმყოფო COVID 19-ით ინფიცირებული პაციენტების იდენტიფიცირებას და მათი ისტორიის დაკონკრეტებას აღარ მოახდენს.

როგორც დღეს მარინა ეზუგბაიამ განმარტა, დაინფიცირებული პაციენტების შესახებ დამატებითი განმარტებები აღარ გაკეთდება, მაგალითად ვისთან ჰქონდათ ინფიცირებულებს შეხება, რა ასაკის არის ის და რომელი სქესის წარმომადგენელია - ამ სახის ინფორმაცია აღარ გაიცემა.

"15 პაციენტზე ჩატარდა ტესტირება, 14 მათგანზე მივიღეთ ნეგატიური პასუხი, ერთზე კი დადებითი. ეს პაციენტი ბოლო სამი შემთხვევის კონტაქტი გახლავთ. შემოსული ახალი პაციენტების მდგომარეობა ჯერჯერობით საშუალო სიმძიმისაა. ჩვენ პერსონალიზაციაზე აღარ ვსაუბრობთ. აღარც სქესზე ვისაუბრებთ, არც ასაკზე და არც სხვა არაფერზე, თბილისი ძალიან პატარა ქალაქია. რაც შეეხება ახალ ინფიცირებულს, დამოუკიდებლად შემოვიდა ჩვენთან. ეს არის მესამეული გადაცემა," - განაცხადა მარინა ეზუგბაიამ.