მედიამ შეიტყო ძაღლის ჯიშისა და სახელის შესახებ, რომელიც ალ-ბაღდადის ლიკვიდაციაში მონაწილეობდა

ძაღლი, რომელმაც „ისლამური სახელმწიფოს“ ლიდერის აბუ ბაქრ ალ-ბაღდადის ლიკვიდაციის ოპერაციაში გადამწყვეტი როლი შეასრულა, ბელგიური ნაგაზის სახეობა მალინუა, სახელად კონანი აღმოჩნდა. იუწყება გამოცემა Newsweek-ი. კონანი სპეცოპერაციის დროს დაშავდა.

ჟურნალის წყაროს მონაცემებით, „კაცური“ სახელის მიუხედავად, ის გოგოა. ძაღლს სახელი ამერიკელი კომიკოსის კონან ობრაიენის პატივისცემის ნიშნად დაარქვეს. ამ მომენტისთვის ძაღლი ვეტერინალურ კლინიკაში იმყოფება სამკურნალოდ.

აშშ-ის ძაღლთა სამხედრო ასოციაციის პრეზიდენტის რონ აიელოს თქმით, აღნიშნული ჯიშის ძაღლები გამოირჩევიან გონიერებით.

ამერიკელი სამხედროები მალინუას ხშირად იყენებენ გამცილებლებად სამხედროების დაცვის მიზნით, ასევე მტრის მოსაძებნად და ასაფეთქებელი ნივთიერებების აღმოსაჩენად.

ამავე ჯიშის ძაღლი, სახელად კაირო, მონაწილეობდა 2011 წელს სამხედრო ოპერაციის დროს, როდესაც პაკისტანში ტერორისტი უსამა ბენ ლადენი მოკლეს.

აშშ-ის პრეზიდენტმა, დონალდ ტრამპმა გუშინ მიკრობლოგ „ტვიტერზე“ გამოაქვეყნა ძაღლის ფოტო, რომელმაც ალ-ბაღდადის ლიკვიდაციის ოპერაციაში მიიღო მონაწილეობა. პრეზიდენტმა ძაღლის ჯიშისა და სახელის გასაჯაროვებისგან თავი შეიკავა.

 „ვაქვეყნებთ შესანიშნავი ძაღლის (მის სახელი საიდუმლოა) ფოტოს, რომელმაც ასეთი შესანიშნავი სამუშაო შეასრულა „ისლამური სახელმწიფოს“ ლიდერის აბუ ბაქრ ალ-ბაღდადის დასაკავებლად და გასანადგურებლად“, -წერს ტრამპი.

აბუ ბაქრ ალ-ბაღდადის ლიკვიდაცია 27 ოქტომბერს სირიაში აშშ-ის სპეცოპერაციის შედეგად მოხდა.