თურქეთმა სირიაში სამხედრო ოპერაცია შეწყვიტა

თურქეთმა სირაიში სამხედრო ოპერაცია შეწყვიტა, თუმცა არ დაუსრულებია, - ამის შესახებ თუქრეთის საგარეო საქმეთა მინისტრმა მევლუთ ჩავუშოღლუმ განაცხადა. მისი თქმით, საჭიროების შემთხვევაში თურქეთი მზად არის საბძრძოლო მოქმდებები განაახლოს.

თურქეთმა ჩრდილო-აღმოსავლეთ სირიაში სამხედრო ოპერაცია „მშვიდობის წყარო“ 9 ოქტომბერს დაიწყო. ხელისუფლების განცხადებით მის მიზანს ქურთული ფორმირებების, „ისლამური სახელმწიფოს“ მებრძოლთა განადგურება და საზღვრის გასწვრივ უსაფრთხოების ზონის შექმნა წარმოადგენს.

თურქეთსა და აშშ-ის შორის 17 ოქტომბერს შედგა შეთანხმება, რომლის მიხედვით, ანკარამ 120 საათით საომარი მოქმედებები შეწყვიტა. შეთანხამების ვადა  22 ოქტომბრის 23 საათზე ამოიწურა.

ამასთან, აშშ-ის ვიცე-პრეზიდენტმა მაიკ პენსმა განაცხადა, რიომ ქურთთა სამხედრო ფორმირებებმა სირიაში უსაფრთხოების ზონა დატოვეს.