9 წლის ბიჭი 5 ადამიანის მკვლელობაში დაადანაშაულეს

ილიონისის შტატში 9 წლის ბიჭი ხუთი ადამიანის მკვლელობაში დაადანაშაულეს, მან გადაწვა სახლი, რომელშიც იმყოფებოდ სამი ბავშვი და ორი უფროსი. ინფორმაციას NBC News-ი ავრცელებს.

ხანძრის შედეგად დაიღუპა 34 წლის მამაკაცი, 69 წლის ქალი, ორი - 2 წლის და ერთი 1 წლამდე ასაკის ბავშვი. ინციდენტის დეტალები არ საჯაროვდება, საუბარია მხოლოდ იმის შესახებ, რომ ბრალდებული დაღუპულების ნათესავია.  

დაცვის მხარე ვარაუდობს, რომ ბავშვის მიმართ ასეთი ბრალდება მეტად სერიოზულია. Associated Press-ის მონაცემებით, ამ ასაკის ადამიანისთვის ბრალი მასობრივ მკვლელობაში 2006 წლიდან არ წაუყენებიათ.

ბრალდების მხარის განცხადებით, ბავშვმა განზრახ წაუკიდა თუ არა ცეცხლი სახლს, კვლავ კითხვის ნიშნის ქვეშ დგას და გაურკვეველია, ნამდვილად აპირებდა თუ არა ის სახლში მყოფი ადამიანების დახოცვას.

შტატის კანონებით, 10 წლამდე უმცროს ბავშვებს ღია სასამართლო მოსმენებზე ბრალდებულად ვერ წარადგენენ. არსებული ინფორმაციით, მცირეწლოვანი სავარაუდო დამნაშავე დაკავებული არ არის.