მაჰათმა განდის ფერფლი მემორიალიდან მოიპარეს

ინდოეთში, მემორიალიდან მოიპარეს ეროვნულ-გამათავისუფლებელი მოძრაობის ლიდერის მაჰათმა განდის ფერფლი, იუწყება ჟურნალი India Today ადგილობრივ ხელისუფლებაზე დაყრდნობით.

1948 წლის იანვარში, განდის მკვლელობის შემდეგ მისი ცხედარი დაწვეს, ფერფლი კი რამდენიმე ნაწილად გაყვეს. ერთ-ერთი მათგანი მადჰია-პრადეშის შტატში, მემორიალში ინახებოდა.

ინციდენტი განდის 150 წლისთავის აღნიშვნის დღეს მოხდა. ფერფლის გაქრობა ადგილობრივი ხელისუფლების წარმომადგენელმა შენიშნა, რომელიც „ერის მამის“ ხსოვნისთვის პატივის მისაგებად იყო მისული. ამის გარდა, ბოროტმოქმედებმა მემორილის შენობის შესასვლელში შემდეგი წარწერა დატოვეს: „ერის მოღალატე“.

ადგილობრივი ხელისუფლების წარმომადგენელთა თქმით, დანაშაული სავარაუდოდ განდის მკვლელის ნათჰურამ გოძეს თაყვანისმცემლისა მიერაა ჩადენილი.

მაჰათმა განდი ინდოეთის ეროვნულ-გამათავისუფლებელი მოძრაობის იდეოლოგი იყო.

დამოუკიდებლობისათვის მრავალწლიანი ბრძოლის განმავლობაში განდი მოუწოდებდა ძალდობას ძალადობით არ დაპირისპირებოდნენ. ბრძოლის მისმა არაძალადობრივმა მეთოდებმა - მშვიდობიანმა აქციებმა და დაუმორჩილებლობამ მილიონობით ინდოელს შთააგონა ებრძოლათ ბრიტანეთის კოლონიისგან გასათავისუფლებლად.

განდი 1948 წლის 30 იანვარს ნაციონალისტმა რადიკალმა ნათჰურამ გოძემ მოკლა. ის აკრიტიკებდა განდის პოლიტიკას, მისი აზრით განდი მუსლიმი მოსახლეობის სასარგებლოდ ინდუსების ინტერესებს მსხვერპლად სწირავდა. გოძე სიკვდილით დასაჯეს.