კოლუმბიაში, მსჯავრდებული სენატორი სტომატოლოგის კაბინეტიდან გაიქცა | ვიდეო

კოლუმბიის ყოფილი სენატორი აიდა მერლანო, რომელიც 15-წლიან მსჯავრს ხმების მოსყიდვასა და იარაღის უკანონოდ ფლობისთვის იხდიდა, სტომატოლოგთან ვიზიტის დროს გაიქცა. ინციდენტი ბოგოტას ჩრდილოეთ ნაწილში მოხდა.

მერლანო სასჯელს იხდიდა ქალთა ციხე „ემ-ბუენ-პასტორში“, საიდანაც ის სტომატოლოგთან ვიზიტისთვის გადაიყვანეს. ექიმის კაბინეტში შესვლისას, ყოფილი სენატორი ფანჯრიდან გადაძვრა და კედელზე თოკის დახმარებით ჩაეშვა, დაჯდა კურიერის მოტოციკლზე და მიიმალა.

ხელისუფლება ამჟამად აწარმოებს გამოძიებას სტომატოლოგის მიმართაც, რომელმაც კლინიკა პატიმრის გაქცევის შემდეგ მალევე დატოვა.

ადგილობრივი მედიის ცნობით, მერლანოს თან ახლდა ბადრაგი და მძღოლი. ხელისუფლებამ მსჯავრდებულის დაკავებაში დახმარებისთვის 10 მლნ პესო დააწესა.

ყოფილ სენატორს უმაღლესმა სასამრთლომ  15 წლით თავისუფლების აღკვეთა დამამძიმებლ გარემოებაში წინასწარი შეცნობით ჩადენილი დანაშაულისთვის, არჩევნების ჩატარებასთან დაკავშირებულ კორფუციასა და იარაღის უკანონო ფლობისთვის მიუსაჯა.

მერლანომ სენატში ადგილი დაკარგა. დაუდასტურებელი ინფორმაციით, მან ციხეში თვითმკვლელობაც სცადა.