National Geographic-მა საქართველოს შესახებ კიდევ ერთი ვრცელი სტატია მოამზადა

"მთებიდან ზღვამდე 7 დღეში - საქართველო მსოფლიოში ერთ-ერთი ყველაზე მრავალფეროვანი ქვეყანაა" - ამ სათაურით ჟურნალისტი ტარა იზაბელა ბარტონი საქართველოში მოგზაურობას აღწერს.

National Geographic-ის ვრცელი სტატია ტურიზმის ეროვნული ადმინისტრაციის მარკეტინგული კამპანიის ფარგლებში მომზადდა. კამპანია ევროკავშირის ყველა ქვეყანას და ამერიკის შეერთებულ შტატებს მოიცავს. მასშტაბური კამპანია დეკემბრის ბოლომდე გაგრძელდება.

"ასეთი სტატიები მნიშვნელოვნად ხელს უწყობს საქართველოს ცნობადობის გაზრდას და პოზიციონირებას ჩვენს მიზნობრივ ბაზრებზე, როგორც იცით ჩვენ სტრატეგიულ ქვეყნებში მუდმივ რეჟიმში ვახორციელებთ საქართველოს საპრომოციო აქტივობებს საქართველოს შესახებ.

ჩვენ დაწყებული გვაქვს მასშტაბური კამპანია მსოფლიოში ერთ-ერთი უდიდესი და გავლენიანი გამოცემის National Geographic-ის პლატფორმაზე, რომელსაც მილიონობით მკითხველი ჰყავს. ეს კამპანია მოიცავს როგორ ევროკავშირის ყველა ქვეყანას, ასევე ამერიკის შეერთებულ შტატებს და ხელს უწყობს საქართველოში მაღალამხარჯველუნარიანი ტურისტების მოზიდვას", - აცხადებს მარიამ ქვრივიშვილი.