ყველაზე მაღალანაზღაურებადი მსახიობი დუეინ ჯონსონი გახდა - Forbes

გამოცემა Forbes-მა გამოაქვეყნა მსოფლიოს ყველაზე მაღალანაზღაურებადი მსახიობების რეიტინგი.

ჟურნალის ვერსიით, წელს ყველაზე მდიდარ მსახიობად დუეინ ჯონსონი დასახელდა. მისმა შემოსავალმა 89,4 მლნ დოლარი შეადგინა. დიდი შემოსავალი მას მოუტანა  ფილმმა „ჯუმანჯი. შემდეგი დონე“, რომლის პრემიერაც დეკემბერშია დაგეგმილი.

რეიტუნგში მეორე ადგილი დაიკავა მსახიობმა კრის ჰემსვორტმა, რომელმაც გასულ წელს 76,4 მლნ დოლარი გამოიმუშავა. მდიდარი მსახიობების სამეულში მოხვდა რობერტ დაუნი-უმცროსი 66 მლნ დოლარის შემოსავლით.

ათეულში ასევე მოხვდნენ აქშაი კუმარი - 65 მლნ დოლარი, ჯეკი ჩანი - 58 მლნ, ბრედლი კუპერი - 57 მლნ, ადამ სენდლერი - 57 მლნ, კრის ევანსი - 43 მლნ, პოლ რადი - 41 მლნ და უილ სმიტი - 35 მლნ დოლარი.