მილიარდერმა პედოფილმა ეპშტეინმა თვითმკვლელობამდე ორი დღით ადრე ანდერძი დატოვა

ამერიკელმა ფინანსისტმა, მილიარდერმა ჯეფრი ეპშტეინმა თვითმკვლელობამდე ორი დღით ადრე ანდერძი დაწერა. ამის შესახებ იუწყება New York Post-ი.

გამოცემის ცნობით, ეპშტეინის ყველა აქტივი, რომელიც 600 მილიონ დოლარად არის შეფასებული, ნდობის ფონდში შეინახება. „უჩვეულოა თარიღი, ეს ყველაფერი მის სიკვდილამდე რამდენიმე დღით ადრე მოხდა“, - აღნიშნავს გამოცემა.

მანამდე გაზეთი The New York Times-ი იუწყებოდა, რომ ეპშტეინის ცხედრის გაკვეთამ აჩვენა, რომ მან სიცოცხლე თვითმკვლელობით დაასრულა. მან თავი აგვისტოში, ციხეში მოიკლა, სადაც არასრულწლოვანთა სექსუალური ექსპლუატაციის ბრალდებით სასჯელს იხდიდა.

ეპშტეინს ბრალად ედებოდა ათობით არასრულწლოვანი გოგონას მიმართ სექსუალური კავშირი და პროსტიტუციაში ჩაბმა. ბრალდების ინფორმაციით, 2002-2005 წლებში ეპშტეინს სექსუალური კავშირი ჰქონდა ათობით არასრულწლოვან გოგონებთან, რომლებასც ის ნიუ-იორკსა და ფლორიდაში, თავის რეზიდენციებში იღებდა. ეპშტეინი გოგონებს ასობით დოლარს უხდიდა, რის შემდეგაც ზოგიერთ მათგანს ავალებდა სხვა გოგონბის გადაბირებას.

ზოგიერთი დაზარალებულის ასაკი 14 წელს არ აღემატებოდა. ეპშტეინმა დანაშაული არ აღიარა. მას ბრალი წაუყენეს არასრულწოვანთა ვაჭრობაში მათი სექსაულური ექსპლუატაციის მიზნით, რაც 40 წლით თავისუფლების აღკვეთას ითვალისწინებს.