ადეიშვილის გაზრდილები უნდათ გაიყვანონ მოსამართლეებად - ლევან გოგიჩაიშვილი

შინაარსობრივი განსხვავება, მართვის სტილში აღარ არის ნაციონალურ მოძრაობას და ქართულ ოცნებას შორის“, - ეს განცხადება, პარლამენტის წევრმა, საბურთალოს მაჟორიტარი დეპუტატმა, ლევან გოგიჩაიშვილმა გააკეთა.

პარლამენტში იუსტიციის უმაღლესი საბჭოს არამოსამართლე წევრებსა და „ქართული ოცნებიდან“ დემარშით წასულ დეპუტატებს შორის შეხვედრა მიმდინარეობს, სადაც უზენაესი სასამართლოს მოსამართლეთა შერჩევის პროცედურის დროს გამოვლენილ დარღვევებზე მსჯელობენ.

ლევან გოგიჩაიშვილის განცხადებით, ხელისუფლება კლანის დახმარებით ცდილობს სასამართლოს მთლიანად ხელში ჩაგდებას.

„უბედურებაა არის, ჩვენი სასამართლო სისტემამ, სამწუხაროდ, იმ ხელისუფლების პირობებში, რომელთან ერთადაც ჩვენ გავიმარჯვეთ 2016 წელს, იქცა უბედურებად, გეტირება ადამიანს ისეთ დღეში არის დღეს სასამართლო სისტემა და ისეთი ადამიანები უნდათ, რომ გაიყვანონ მოსამართლეებად - კლანის წევრები, ბინძური საქმეები თავის დროზე ნაკეთები ადეიშვილის გაზრდილები, უბრალოდ ადგა და ამ სისტემამ შეიწოვა ის და ამიტომ, ვამბობთ, ხოლმე, რომ ფაქტობრივი, შინაარსობრივი განსხვავება, მართვის სტილში აღარ არის ნაციონალურ მოძრაობას და ქართულ ოცნებას შორის,“ - განაცხადა გოგიჩაიშვილმა.