თურქეთში რუსული საზენიტო-სარაკეტო სისტემების С-400-ის პირველი პარტია ჩავიდა

თურქეთში რუსული საზენიტო-სარაკეტო სისტემების С-400-ის პირველი პარტია ჩავიდა. ამის შესახებ თურქეთის თავდაცვის სამინისტრო იუწყება. უწყების განცხადებით სისტემა ანკარის პროვინციაში,  მიურტედის ავიაბაზაზე განთავსდება.

თურქეთის მიერ რუსული С-400-ის შეძენამ თურქეთსა და აშშ-ის შორის საერთაშორისო სკანდალი გამოიწვია. შეერთებული შტატები ანკარისგან სისტემების შეძენაზე უარის თქმას მოითხოვდა, რადგან მისი განცახდებით, ეს ნატოს ინტერესებს ეწინააღმდეგებოდა.  

ვაშინგტონმა განაცხადა, რომ თურქეთს გამანადგურებელ F-35-ს აღარ მიყიდის და ქვეყანა თურქ პილოტებს დაატოვებინა, რომლებიც F-35-ზე სწავლებას აშშ-ში გადიოდნენ. ამის მიუხედავად, თურქეთმა რუსულ С-400-ზე უარი მაინც არ თქვა.

С-400 შორის მანძილის უახლესი საზენიტო-სარაკეტო სისტემაა. ის განკუთვნილია ავიაციის, ფრთოსანი და ბალისტიკური რაკეტების გასანადგურებლად.

მისი მოქმედების რადიუსი 400 კმ-ს აღწევს, მას სამიზნის განადგურება 30 კმ-ს სიმაღლეზე შეუძლია.