ივანიშვილი, ეს ერთუჯრედიანი მიიჩნევს, რომ თქვენ ყველანი ხართ ბრიყვები, აღმოჩნდა, რომ ქართველი ერი ცოცხალია - სააკაშვილი

პუტინს კიდევ მთავარი შეკვეთა აქვს, რომ საქართველოში არ იყოს სააკაშვილი, - ამბობს საქართველოს მესამე პრეზიდენტმა მიხეილ სააკაშვილმა ვიდეომიმართვაში.

„მეგობრებო, სომხებმა მოიშორეს ოლიგარქი, პაშინიანმა, ჩვენმა მეგობარმა. უკრაინამ გადაირჩია ოლიგარქი პარაშენკო, მოლდოვაში მოიშორეს ოლიგარქი პლახატნიკი, 5 თვითმფრინავი დატვირთა თავის ავლა-დიდება და გაფრინდა.

ჩვენ სომხებზე, უკრაინელებზე და მოლდოველებზე ნაკლები რითი ვართ?! დააკვირდით, როგორ ამბობს ივანიშვილი?-ყველა მინუს ერთი. ე.ი. თვალებს უპაჭუნებს ყველას, მთავარია სააკაშვილი არ შემოიყვანოთ და ყველას მოგელაპარაკებით, ყველას რაღაცას მოგცემთ და ყველაფერი კარგად იქნება. იმ ხალხსაც მინდა ვუთხრა, არამხოლოდ სუს-ის აგენტურას, არამედ ვინც ამბობს რომ სააკაშვილი უუფ... პუტინს ებრძვით?-პუტინის მთავარი მტერი აგერ ზის. პუტინს კიდევ მთავარი შეკვეთა აქვს, რომ საქართველოში არ იყოს სააკაშვილი. გაღიზიანდა იმით, რომ არ დავუხარეთ თავი და შევქმენით სახელმწიფოებრიობა. მე ვარ მთლიანად თქვენს მხარეს ჩემო ძვირფასებო. ძალიან ვამაყობ ახალგაზრდობით, არა მხოლოდ თბილისში, ქუთაისში, შეკვეთილში. ეს აბსურდის თეატრი უნდა დამთავრდეს, ეს კაცი, ეს ერთუჯრედიანი მიიჩნევს, რომ თქვენ ყველანი ხართ ბრიყვები, აღმოჩნდა, რომ ქართველი ერი ცოცხალია“, - ამბობს სააკაშვილი.