პრინცმა ჰარიმ, ცოლის შეურაცხყოფისთვის, დონალდ ტრამპს ზედაც არ შეხედა

პრინცმა ჰარიმ აშშ-ის პრეზიდენტს დონალდ ტრამპს მისი დიდ ბრიტანეთში ვიზიტის დროს ყურადღება არ მიაქცია. როგორც გამოცემა The Mirror-ი იუქწყება, სამეფო ოჯახის წევრი ამერიკის ლიდერს არც კი მიუახლოვდა, როდესაც ის ბუკინგენმის სასახლეში გალერიაში გამოფენილ ნახატებს ათვალიერებდა.

გამოცემას წყარომ განუცხადა, რომ პრინცი ჰარი მთელი ამ დროის განმვალობაში კუთხეში მოღუშული სახით იდგა. „ის ცდილობდა პრეზიდენტისა და პირველის ლედისგან თავი შორს დაეჭირა. ის იდგა ოთახის კუთხეში, მისი გამომეტყველება კი ცხადყოფდა, რომ ირგვლივ მყოფი ადამიანები არ აინტერესებდა“, - აღნიშნა წყარომ.

პრინცი ჰარი ასევე არ ესწრებოდა ტრამპის საპატივსაცემოდ გამართულ ბანკეტს.

ჟურნალისტები ვარაუდობენ, რომ პრინც ჰარის საქციელი უკავშირდება ტრამპის მიერ მეგან მარკლისადმი შეურაცხმყოფელ გამონათქვამებს.

The Sun-სთვის მიცემულ ინტერვიუში ტრამპმა სასექსის ჰერცოგინიას მეგან მარკლს „საზიზღარი“ უწოდა, რადგან მეგანმა ტრამის საარჩევნო კამპანია უდიერად მოიხსენია.

მეგანმა ტრამპი სექსისტურ გამონათქვამებში დაადანაშაულა და განაცხადა, რომ მისი განცხადებები სიძულვილს ამძაფრებდა.  

მოგვიანებით ტრამპმა განაცხადა, რომ ჰერცოგინიასთვის „საზიზღარი“ არასდროს უწოდებია და მედიისგან ბოდიშის მოხდა მოითხოვა.

მეგან მარკლი ბუკინგემის სასახლეში ბანკეტს არ ესწრებოდა. მან ტრამპთან შეხვედრის თავიდან არიდება მოახერხა და ეს იმით ახსნა, რომ ახალდაბადებულ შვილთან ეჩქარებოდა.