ომარ ნიშნიანიძემ გემი ააგო და მის გაშვებას რიონში გეგმავს

ყოფილმა დეპუტატმა, ომარ ნიშნიანიძემ გემის მშენებლობა დაასრულა. მან ხომალდს „არგო“ უწოდა და მის გაშვებას მდინარე რიონში, 31 მაისს, 17:00 საათზე გეგმავს.

ნიშნიანიძის თქმით, გემი ფოთიდან ქუთაისისკენ გაემგზავრება. გემზე მითიური გმირები გაცოცხლდებიან.

გემს 15 ადამიანი გაყვება, მათ შორის 12 არგონავტი, ქალღმერთი ათენა, იაზონი, ჰერაკლე, ვანში კი მათ აიეტი მედეასთან ერთად დახვდება.

პროექტს ნიშნიანიძე თავის სტუდენტებთან, აკაკი წერეთლის უნივერსიტეტის ისტორიის ფაკუკტეტის პირველკურსელებთან ერთად ახორციელებს.

ნიშნიანიძემ „არგოს“ მშენებლობისა და ქუთაისში პორტის მშენებლობის იდეა 2013 წელს გამოთქვა, როდესაც მერვე მოწვევის პარლამენტის წევრი იყო.