ვაშინგტონმა ამერიკულ ავიაკომპანიებს ვენესუელის საჰაერო სივრცეში ფრენები აუკრძალა

აშშ-ის სამოქალაქო ავიაციის ფედერალურმა სამმართველომ (FAA) ამერიკულ ავიაკომპანიებს ვენესუელის საჰაერო სივრცეში ფრენები აუკრძალა და მათ 48 საათში ქვეყნის დატოვებისკენ მოუწოდა.

FAA-ს ინფორმაციაში ნათქვამია, რომ შეზღუდვებს ექვემდებარება აშშ-ის ყველა ავიაგადამყვანი და კომერციული ოპერატორი.

სამშაბათს ვენსუელაში მასობრივი არეულობები დაიწყო. დროებითმა პრეზიდენტმა ხუან გუაიდომ განაცხადა, რომ 1 მაისს ქვეყანაში დაიწყება ოპერაცია „თავისუფლების“ ფინალური ნაწილი. მან სამხედროებს მხარდაჭერისკენ მოუწოდა და ვენესუელის არალეგიტიმური პრეზიდენტის ნიკოლას მადუროს ხელისუფლებისგან ჩამოშორებაში დახმარებისკენ მოუწოდა.

მხარდამჭერების წინაშე გამოსვლისას ხუან გუაიდომ განაცხადა, რომ ვენესუელის მოსახლეობის უმეტესობა მას მხარს უჭერს. მან ვენესუელელებს ქუჩებში გამოსვლისკენ და საპროტესტო აქციებში მონაწილეობისკენ მოუწოდა.

ოპოზიციის მომხრეებსა და სამართალდამცავებს შორის შეტაკების შედეგად 71 ადამიანი დაშავდა. დაშავებულები საავადმყოფოებში არიან გადაყვანილნი.

გავრცელებული ცნობით, საპროტეტსო აქციის მონაწილეებს ეროვნული არმიის ჯავშანტექნიკამ გადაურა.

დასავლური მედია, თვითმხილველებზე დაყრდნობით, ავრცელებს ინფორმაციას, რომ საპროტესტო აქციაზე ერთმანეთს ესროდნენ დაპირისპირებული მხარეების, ნიკოლას მადუროსა და ხუან გუაიდოს მომხრეები.