ივანიშვილის წერილთან დაკავშირებული რეაქციები იქნება ლუსტრაცია, თუ ვის ეხება ის სამშობლოს სიყვარულის და ვის დაპირისპირების ნაწილში - თალაკვაძე

თუ წერილთან დაკავშირებულ რეაქციებს დააკვირდებით, ეს იქნება ლუსტრაცია, თუ ვის ეხება წერილი სამშობლოს სიყვარულისა და ერთიანობის ნაწილში, ასევე, ვის ეხება დაყოფისა და დაპირისპირების ნაწილში. დღის ბოლომდე წერილზე გაკეთებული კომენტარები სრულად გამოაჩენს ამ ადამიანების ინტერესებს,  -  ამის შესახებ საპარლამენტო უმრავლესობის ლიდერმა, არჩილ თალაკვაძემ განაცხადა.

„როგორც ყოველთვის, საინტერესო წერილია. ვფიქრობ, რომ წერილში ეს გზავნილი მკაფიოდ არის მოცემული. რაც შეეხება დაყოფასა და დაპირისპირებას, არაერთხელ ვთქვით, რომ მომავალი მშვიდი, საქმიანი, რაციონალური პოლიტიკის არის და საზოგადოებას სწორედ ასეთ პოლიტიკას შევთავაზებთ. იმ ადამიანების თუ პოლიტიკოსების როლი, რომლებიც შეურაცხყოფაზე, აგრესიაზე, დაპირისპირებასა და დაყოფაზე არიან ორიენტებული, მომავალში სულ უფრო მცირდება. აშკარაა, რომ ქვეყნის ინტერესების გარშემო საზოგადოების კონსოლიდაცია და გაერთიანება დღეს ისე გვჭირდება, როგორც არასდროს. თუ წერილთან დაკავშირებულ რეაქციებს დააკვირდებით, ეს იქნება ლუსტრაცია, თუ ვის ეხება წერილი სამშობლოს სიყვარულისა და ერთიანობის ნაწილში, ასევე, ვის ეხება დაყოფისა და დაპირისპირების ნაწილში. დღის ბოლომდე წერილზე გაკეთებული კომენტარები სრულად გამოაჩენს ამ ადამიანების ინტერესებს“, – განაცხადა არჩილ თალაკვაძემ.

„ქართული ოცნება-დემოკრატიული საქართველოს“ თავმჯდომარე ბიძინა ივანიშვილმა 9 აპრილის 30 წლისთავთან დაკავშირებით წერილი დღეს გაავრცელა.