ჩვენთვის მიუღებელია იყო გუნდის შიგნით და მას გარედან ურტყამდე - ზაქარია ქუცნაშვილი

ჩვენ არავის არ ვრიცხავთ, არავის არ ვუზღუდავთ თავისუფლებას, მაგრამ არც ის გვინდა მივიღოთ, რომ გუნდის შიგნით იყო და გუნდს გარედან ურტყამდე, - ამის შესახებ საპარლამენტო უმრავლესობის წევრი, ზაქარია ქუცნაშვილმა "ქართულ ოცნებაში" გამართული შეხვედრის შემდეგ განაცხადა. მისი თქმით,  მოსამართლეების სიასთან დაკავშირებით ეკა ბესელიას, გედევან ფოფხაძისა და ლევან გოგიჩაიშვილის განსხვავებული პოზიციის გამო, მმართველ პარტიაში დაპირისპირებაა. 

„დღის წესრიგში არავის გარიცხვის საკითხი არ დასმულა, თუმცა მათ შორის იმაზეც ვიმსჯელეთ, რომ პარტიული დისციპლინის დაცვა არის მინიმალური სტანდარტი, რაც მოეთხოვება ამ საქმეში ჩართულ პოლიტიკოსს. არაკორექტულია ის, რომ ამავდროულად იყო გუნდის შიგნით და ამავდროულად ურტყამდე გუნდს გარედან. პოლიტიკურ სისტემას აქვს თვისი მართვის წესები და ეს მართვის წესები უნდა ჩაჯდეს ეთიკურობის ფარგლებში, რაც გამოიხატება იმაში, რომ ყველა თავისუფალია გუნდის შიგნით მოქმედებისას და ასევე თავისუფალია გუნდის დატოვების შემთხვევაში. ასე რომ, ჩვენ არავის არ ვრიცხავთ, არავის არ ვუზღუდავთ თავისუფლებას, მაგრამ არც ის გვინდა მივიღოთ, რომ გუნდის შიგნით იყო და გუნდს გარედან ურტყამდე.