”ისლამური სახელმწიფოს” მთავარი ფინანსისტი ავიაიერიშისას დაიღუპა

საქართველო, თბილისი - 10:24 | 11.12.2015

ნანახია: 2037

საერთაშორისო კოალიციის მიერ განხორციელებული ავიადარტყმების შედეგად ”ისლამური სახელმწიფოს” მთავარი ფინანსისტი დაიღუპა.

აბუ სალეჰისა და ”ისლამური სახელმწიფოს” კიდევ ორი მაღალჩინოსნის ლიკვიდაცია უკანასკნელი კვირის ერთ-ერთი ავიაერიშის დროს მოხდა. სხვა დამატებით ინფორმაციას ამერიკელი სამხედროები არ ავრცელებენ.

პენტაგონის წარმომადგენელმა სტივ უორენმა ტერორისტების სიკვდილი დაადასტურა.

აბუ სალეჰი აშშ-ის ფინანსთა სამინისტროს ანტიტერორისტული სანქციების ნუსხაში შედიოდა. მასში ნათქვამია, რომ ის 1973 წელს არის დაბადებული და ერაყის მოქალაქეა.

უორენის თქმით, აბუ სალეჰი ტერორისტული დაჯგუფების ფინანსური სტრუქტურის ერთ-ერთი ყველაზე გამოცდილი და მაღალი კვალიფიკაციის წევრი იყო.

მისივე თქმით, სალეჰისა და მისი თანამოაზრეების ლიკვიდაციამ დიდი დარტყმა მიაყენა ტერორისტული ორგანიზაციის ფინანსური კოორდინაციისათვის აუცილებლ რესურსებსა და პროფესიონალიზმს.