აშშ შავ ზღვაში სამხედრო გემების გაგზავნისთვის ემზადება

აშშ-ის სამხედრო-საზღვაო ძალებმა შავ ზღვაში გემების გაგზავნისთვის აქტიური სამზადისი დაიწყეს. ამის შესახებ CNN-ი იუწყება.

 „ამერიკელმა სამხედროებმა სახელმწიფო დეპარტამენტს შესთავაზეს ინფორმაცია მიაწოდოს, თურქეთს, შავ ზღვაში სამხედრო-საზღვაო ძალების გემების შესაძლო გაგზავნის თაობაზე“, - აცხადებს CNN-ი ოფიციალურ პირებზე დაყრდნობით.

CNN-ი ინფორმაციით, ეს იქნება პასუხი  ქერჩის სრუტეში უკრაინის წინააღმდეგ მიმართული რუსეთის ქმედებების მიმართ.

აშშ აპირებს გააფრთხილოს თურქეთი თავისი სამხედრო გემების გადაადგილების შესახებ ბოსფორისა და დარდანელის სრუტეებში.

 „ჩვენ რეგულარულად ვატარებთ ოპერაციას აშშ-ის მე-6 ფლოტის მოქმედების რაიონში, მათ შორის საერთაშორისო წყლებსა და შავი ზღვის საჰაერო სივრცეში, უსაფრთხოებისა და სტაბილურობის გასამყარებლად. ვიტოვებთ უფლებას თავისუფლად ვიმოქმედოთ საერთაშორისო კანონებისა და ნორმების შესაბამისად“, -განუცხადა ტელეკომპანიას ფლოტის ოფიციალურმა წარმომადგენელმა.

შეგახსენებთ, რომ 25 ნოემბერს, რუსეთის მხრიდან უკრაინული გემების მიმართ თავდასხმა განხორციელდა.რუსი სამხედროების თავდასხმის შედეგად დაიჭრა 6 უკრაინელი. დღემდე დატყვევებულია 23 უკარინელი მეზღვაური. ყირიმის ავტონომიურ რესპუბლიკაში უკრაინის პრეზიდენტის წარმომადგენელის, ბორის ბაბინის განაცხადებით, რუს მესაზღვრეებს 20-ზე მეტი უკრაინელი სამხედრო ჰყავთ დაკავებული.

რუსული მხარე, ტრადიციულად, უკრაინას პროვოკაციის მოწყობაში ადანაშაულებს.