ახლა რუსეთთან მეგობრობის დრო არ არის - სალომე ზურაბიშვილი BBC -ისთან ინტერვიუში

სალომე ზურაბიშვილი, რომელმაც საქართველოში საპრეზიდენტო არჩევნები მოიგო, არ ფიქრობს, რომ ახლა რუსეთთან მეგობრობის შესაფერისი დროს არის. ამის შესახებ წერს BBC-ის რუსული ბიურო.

„არ ვფიქრობ, რომ ვიდრე, რუსეთი იქცევა ისე, როგორც ახლა, იმის გათვალისწინებით, რაც ხდება საოკუპაციო ხაზთან, სადაც ადამიანებს იტაცებენ და ეს ხაზი იჭრება ჩვენი ტერიტორიის სიღრმეში, უფრო და უფრო ახლოს თბილისთან, იმის გათვალისწინებით, როგორც იქცევა რუსეთი ახლა უკრაინასთან მიმართებაში, არ ვფიქრობ, ეს ყველაფერი იმას ნიშნავდეს, რომ ჩვენ შეგვიძლია, პირდაპირ ახლა, გადავიდეთ თანამშრომლობაზე“, - ამბობს BBC- ს რუსული სამსახურისთვის მიცემულ ინტერვიუში სალომე ზურაბიშვილი.

გამოცემა წერს, რომ მან ასევე აღნიშნა, რომ საქართველოს აქვს ევროპული კურსი და იმ შემთხვევაში თუ ქვეყნის დასავლელი პარტნიორები, ევროპისა და ამერიკის სახით, დაიწყებენ დიალოგს რუსეთთან, მაშინ რა თქმა უნდა, საქართველო გვერდზე არ გადგება.