დარწმუნებული ვარ, 28 ნოემბერი იქნება დემოკრატიის კიდევ ერთი გამარჯვება - მამუკა ბახტაძე

დარწმუნებული ვარ 28 ნოემბერი იქნება დემოკრატიის კიდევ ერთი გამარჯვება, რაც ქართული სახელმწიფოს კიდევ ერთ გამარჯვებას ნიშნავს - განაცხადა საქართველოს პრემიერ-მინისტრმა, მამუკა ბახტაძემ საგანგებო ბრიფინგზე.

მისი თქმით, 2012 წლის შემდეგ "ქართული ოცნების" ხელისუფლების პირობებში არჩევნები ტრადიციად იქცა, ამიტომ , მეორე ტურიც სწორედ ასეთ გარემოში ჩაივლის. 

„ხვალ, თითოეულ ამომრჩეველს ექნება საშუალება გააკეთოს თავისუფალი არჩევანი, საკუთარი მოსაზრებისა და სინდისის კარნახით მისცეს ხმა მისთვის სასურველ კანდიდატს. თითოეული ამომრჩევლის ხმა იქნება დაცული და ეს არის ჩვენი ხელისუფლების მტკიცე პოლიტიკური ნება. მოგეხენებათ, რომ არჩევნების დღე უქმე დღედ გამოვაცხადეთ. მოვუწოდებ ჩვენს მოქალაქეებს გამოიჩინონ აქტიურობა და მოიხადონ მოქალაქეობრივი ვალი ქვეყნის წინაშე. ყველა მივიდეთ არჩევნებზე და გავაკეთოთ სასურველი არჩევანი. ასევე, მივმართავ ყველა დამსაქმებელს, ხელი შეუწყონ თითეულ ჩვენს თანამოქალაქეს მიეცეს არჩევნებში მონაწილეობის საშუალება და არ შეეზღუდოთ კანონით გარანტირებული უფლება. ჩვენმა ხელისუფლება ყველაფერი გააკეთა იმისთის, რომ ეს არჩევნები იყოს თავისუფალი, გამჭვირვალე და დემოკრატიული, მოვუწოდებ ყველას დაიცვას კანონის მოთხოვნები. არ შექმნას საარჩვენო პროცესში ისეთი ვითარება, რომელიც ხელს შეუშლის ამომრჩევლის თავისუფალი ნების გამოხატვას. საფრთხეს შეუქმნის და ჩრდილს მიაყენებს არჩევნების პროცესს. ნებისმიერ, კანონსაწინააღმდეგო მოქმედების შემთხვევაში, სახელმწიფო იმოქმედებს კანონის სრული დაცვით. ვავალებთ შინაგან საქმეთა სამინისტროს თითოეულ პოლიციელს, რომლებმაც არჩევნების პირველი ტურში თავის მოვალეობის შესრულებისას აჩვენეს უმაღლესი სტანდარტი, ამჯერადაც უზრუნვეყოფ მთელი ქვეყნის მასშტაბით საარჩევნო უბნებზე მაქსიმალური წესრიგი. რეაგირების გარეშე არ დატოვონ და საჭიროების შემთხვევაში,  დროულად აღკვეთონ ნებისმიერი კანონდარღვევა. მინდა ვივმართო ადგილ.ობრივ და საერთაშორისო სადმკვირვებლო ორგანიზაციებს და ყველა მედიასაშუალაბას, რომ ხელისუფლება მათთვის უზურუნვეყფობს არჩევნების მიმდინარეობის მონიტორინგისა და გაშუქების დაუბრკოლებელი განხორციელების პირობებს. დარწმუნებული ვარ 28 ნოემბერიო იქნება დემოკრატიის კიდევ ერთი გამარჯვება, რაც ქართული სახელმწიფოს კიდევ ერთ გამარჯვებას ნიშნავს “, - განაცხადა მამუკა ბახტაძემ.