სიკეთე ვეღარ გაგიკეთებია - აკაკი ზოიძე

საარჩევნო ციკლია, ხან ერთი, ხან მეორე, ხან მესამე, ე.ი. მაშინ სიკეთე ვეღარ გაგიკეთებია და ქვეყნის განვითარებისთვის ნაბიჯი ვეღარ გადაგიდგამს. ამის შესახებ „ქართული ოცნების“ დეპუტატმა აკაკი ზოიძემ TV პირველის ეთერში განაცხადა. მან გადაცემის წამყვანის შეკითხვაზე ე.წ შავ სიაში მყოფი 600 000-ზე მეტი მოქალაქისთვის ვალების განულება ხომ არ არის წინასაარჩევნო მოსყიდვის მცდელობა და შესაბამისად, წინასაარჩევნო დარღვევა, უპასუხა, რომ მისთვის ეს არის უდიდესი ნაბიჯი მოქალაქეების სოლიდარობისა და თანადგომის კუთხით.  

„არანაირი ტრანზაქცია არ ხდება ახლა, ხდება არჩევნების მერე, ეს არის დაპირება, დანარჩენს იურისტები გაარჩევენ, თუმცა, მორალურად თუ სხვა ნებისმიერი განზომილებით, ჩემთვის ეს არის უდიდესი ნაბიჯი ჩვენი მოქალაქეების სოლიდარობის და თანადგომის კუთხით და არ მაინტერესებს, რომ ამ ქვეყანაში არჩევნებია, დიდი ბოდიში რა. საარჩევნო ციკლია ხან ერთი, ხან მეორე, ხან მესამე, ე.ი. მაშინ სიკეთე ვეღარ გაგიკეთებია და ქვეყნის განვითარებისთვის ნაბიჯი ვეღარ გადაგიდგამს“, - განაცხადა დეპუტატმა.