მარსელში შენობების ჩამონგრევის შემდეგ დაკარგულ 10 ადამიანს ეძებენ

მარსელის ცენტრში ორი შენობის ჩამონგრევის შემდეგ 10 ადამიანს ეძებენ. საფრანგეთის შინაგან საქმეთა მინისტრის კრისტოფ კასტანერის თქმით, დაკარგულია ერთ-ერთ სახლში მცხოვრები რვა ადამიანი.

ამის გარდა, არაფერია ცნობილი კიდევ ორი პირის შესახებ. ერთი ქალი სკოლაში შვილის გამოსაყვანად არ მისულა, მეორეს კი საცხოვრებელი ბინა არასდროს დაუტოვებია.

მარსელში ორი ავარიული შენობა გუშინ ჩამოინგრა. მანამდე ერთ-ერთი სახლის მაცხოვრებელმა დატოვეს, თუმცა ის უსახლკაროებმა დაიკავეს. მეორე შენობაში კი სავარაუდოდ,12 ადამიანი იმყოფებოდა. ვრცელდება ინფორმაცია 2 დაშავებულის შესახებ.

საფრანგეთის პრეზიდნტმა ემანუელ მაკრონმა მომხდართან დაკავშირებით თანამემამულეებს ერის სიყვარული და სოლიდარობა გამოუცხადა.

„მარსელი ადრეც იყო განსაცდელში და ახლაც განსაცდელშია, მინდა გამოვუცხადო მთელი ერის სიყვარული და სოლიდარობა ჩვენს თანამემამულეებს, ამ ქალაქს. ამ ადგილს, ამ რეგიონს“,-  განაცხადა პრეზიდენტმა.