აუცილებელია, რომ საპრეზიდენტო სავარძელი იყოს ოპოზიციის ხელში - ხათუნა სამნიძე

„რესპუბლიკური პარტიის” ერთ-ერთი ლიდერის ხათუნა სამნიძის განცხადებით, საპრეზიდენტო  მნიშვნელოვანია, რომ მეორე ტურში ოპოზიციურმა პარტიამ გაიმარჯვოს, რადგან „ქართულმა ოცნებამ“ და ბიძინა ივანიშვილმა დაინახონ, რომ საზოგადოებამ მათ უთხრა უარი.

„საპრეზიდენტო არჩევნებზე გამოჩნდა, რამდენად მნიშვნელოვანია, რომ ოპოზიციურმა პარტიამ გაიმარჯვოს, რამდენად მნიშვნელოვანია, რომ სისტემის წინააღმდეგ გადაიდგას ნაბიჯები. მეორე ტური უზრუნველყო საზოგადოებამ და ამომრჩეველმა, ამას მივიყვანთ ბოლომდე და საპრეზიდენტო სავარძელი იქნება ოპოზიციის ხელში, რაც იქნება პირველ რიგში ბალანსი. ეს იქნება კიდევ ერთი ნაბიჯი იმისკენ, რომ დაინახოს „ქართულმა ოცნებამ“ და ბიძინა ივანიშვილმა, რომ ისინი ყოველის შემძლეები არ არიან. საზოგადოებამ მას უთხრა უარი და აჩვენა, რომ ფულით ყველაფერს ვერ იყიდის”, – განაცხადა ხათუნა სამნიძემ.