არჩევანი ევროპის სასარგებლოდ უნდა გავაკეთოთ, ეს არის ჩვენი ისტორიული არჩევანი - ირაკლი კობახიძე

დღეს ხმა მივეცი დემოკრატიას, სტაბილურობას, განვითარებას, ნათელ მომავალს, - ამის შესახებ ხმის მიცემის შემდეგ პარლამენტის თავმჯდომარემ, ირაკლი კობახიძემ განაცხადა. 

კობახიძე ხმის მისაცემად შვილებთან ერთად მივიდა. 

"ყველამ ვნახეთ, თუ სად იყო ამ არჩევნებში საბჭოთა კავშირი, სად იყო ევროპა. ჩვენ რა თქმა უნდა, არჩევანი ევროპის სასარგებლოდ უნდა გავაკეთოთ, ეს არის ჩვენი ისტორიული არჩევანი.

ჩვენ ვსაუბრობდით წინასწარ კვლევის შედეგებზე, რომელიც აჩვენებს, რომ მაღალი ალბათობაა, დღესვე დასრულდეს საპრეზიდენტო არჩევნები, თუმცა, არის ალბათობა იმისა, რომ საჭირო გახდეს მეორე ტურის ჩატარება. ყველაფერი დამოკიდებულია ამომრჩევლის აქტიურობაზე", - განაცხადა კობახიძემ.