მიყვარს ეს ბიჭი, მოდი ჩაგეხუტები - კანიე უესტი დონალდ ტრამპს

რეპერი და პროდიუსერი კანიე უესტი თეთრ სახლში პრეზიდენტ დონალდ ტრამპს შეხვდა. მუსიკოსი დაესწრო სადილს პრეზიდენტთან, მის ქალიშვილთან ივანკასთან და ამერიკის ლიდერის სიძესთან - ჯარედ კუშნერთან ერთად. შეხვედრას ტელეარხ MSNBC-ის ეთერით გადაიცემოდა.

ფორმალურად ამ ვიზიტს საქმიანი საბაბი ჰქონდა, შეხვედრაზე უნდა განეხილათ ამერიკაში მრეწველობის აღდგენის პროცესი, ციხის რეფორმა, ასევე ყაჩაღობისა და ძალადობორივი დანაშაულების აღმოფხვრის საკითხები. ლანჩის დასრულების შემდეგ ოვალურ კაბინეტში მიიწვიეს ჟურნალისტები. კანიე უესტმა 10-წუთიანი მონოლოგი წარმოთქვა.

უესტმა თეთრ სახლში მისვლით ტრამპის მიმართ მხარდაჭერა კიდევ ერთხელ გამოხატა. რეპერი იქ კეპით მივიდა. რომელსაც ჰქონდა წარწერა „ისევ გავხადოთ ამერიკა დიადი“. მისი თქმით ქუდი მას ძალას აძლევდა. „ამ კეპში არის ისეთი რამ, რომ როდესაც დავიხურავ თავს სუპერმენად ვგრძნობ“, - აღნიშნა რეპერმა.

შემდეგ ტრამპისკენ გაემართა შემდეგი სიტყვებით: „მიყვარს ეს ბიჭი მოდი ჩაგეხუტები“.

როგორც CNN -ი აღნიშნავს, ტრამპს უყვარს ყურადღების ცენტრში ყოფნა,  აჟიოტაჟი და  ხმაური მის გარშემო. კანიე უესტის მიპატიჟება თეთრ სახლში კი ასეთი ხმაურის ატეხვის საუკეთესო საშუალება იყო.