დადგა დრო გაერთიანებისა - გრიგოლ ვაშაძე ლევან ბერძენიშვილს გაერთიანებას სთავაზობს

გაერთიანებული ოპოზიციის "ძალა ერთობაშია" საპრეზიდენტო კანდიდატი გრიგოლ ვაშაძე "რესპუბლიკელ" ლევან ბერძენიშვილს გაერთიანებას სთავაზობს.

გრიგოლ ვაშაძემ ლევან ბერძენიშვილს სოციალური ქსელის საშუალებით მიმართა.

"ბატონო ლევან,

დატვირთული საარჩევნო კამპანიის და რეგიონებში შეხვედრების გამო, სამწუხაროდ, ვერ მოვახერე დღემდე პასუხის გაცემა.

მინდა გითხრათ, რომ მე ყოველთვის გთვლიდით საბჭოთა კავშირის წინააღმდეგ და საქართველოს თავისუფლებისათვის მებრძოლ პატრიოტად.

დადგა დრო გაერთიანებისა, რათა ხელისუფლებაში მოვიდეს ეროვნული კოალიციური მთავრობა, რომელიც ერთხელ და სამუდამოდ დაამკვიდრებს პოლიტიკური კონკურენციის დემოკრატიულ წესებს და უზრუნველყოფს ჩვენი სახელმწიფოს წარმატებას და ღირსეულ მომავალს", - წერს ვაშაძე.