ძალიან მნიშვნელოვანი ნაბიჯი გადაიდგა, როდესაც პრემიერი გაერო-ში სიტყვით ქართულ ენაზე გამოვიდა - სალომე ზურაბიშვილი

გაერო-ში მიმუშავია და კარგად ვიცი, როგორ მოქმედებს მშობლიურ ენაზე სიტყვით გამოსვლა საერთაშორისო თანამეგობრობაზე, – ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა პრემიერის სიტყვით გამოსვლის შეფასებისას განაცხადა.

მისი თქმით, ძალიან დიდი და მნიშვნელოვანი ნაბიჯი გადაიდგა, როდესაც პრემიერი გაერო-ში სიტყვით ქართულ ენაზე გამოვიდა.

„მამუკა ბახტაძის გაერო-ში გამოსვლამ ძალიან გამახარა, მიმაჩნია, რომ ძალიან დიდი და მნიშვნელოვანი ნაბიჯი გადაიდგა, როდესაც გაერო-ში სიტყვით ქართულ ენაზე გამოვიდა. მე მიმუშავია გაერო-ში და კარგად ვიცი, როგორ მოქმედებს მშობლიურ ენაზე სიტყვით გამოსვლა საერთაშორისო თანამეგობრობაზე.

პირველად გატანილ იქნა არამხოლოდ ქართული ენა, არამედ ხაზი გაესვა, რა მნიშვნელობა აქვს და საიდან მოდის ქართული ენა.

ჩვენ მალე ფრანკფურტშიც გვექნება ჩვენი ენის, ლიტერატურისა და კულტურის წარდგენა, რაც არის ძალიან დიდი ნაბიჯი“, – განაცხადა სალომე ზურაბიშვილმა.

კითხვაზე, როგორ შეაფასებს პრემიერის გამოსვლის იმ ნაწილს, სადაც ოკუპაციაზეასაუბარი, სალომე ზურაბიშვილი აცხადებს, რომ

„თავად ვთქვი, რომ ჯარებს, რომლებიც ერთხელ მე გავიყვანე, სააკაშვილმა და სხვებმა ვერ და არ გაუწიეს წინააღმდეგობა. შედეგი არის ის, რომ ისევ შემოიყვანეს, მაგრამ ამ ჯარებს ისევ უკან გავიყვანთ. სამხედრო ბაზები, რომლებიც დღეს ოკუპირებულ ტერიტორიებზე არსებობს და, რომლებიც ამ პერიოდში გაძლიერდა, არის შედეგი, რაც მივიღეთ. ეს იქნება ჩემი მუშაობის ერთ-ერთი მთავარი პრიორიტეტი, სადაც მე გამოვიყენებ დიპლომატიურ გამოცდილებას, რომელიც არ მაქვს მიღებული „მიდ“-ში“, – განაცხადა სალომე ზურაბიშვილმა.

საქართველოს პრემიერ-მინისტრმა მამუკა ბახტაძემ გაერო-ს გენერალურ ასამბლეას ქართულ ენაზე მიმართა.