”ისლამურ სახელმწიფოსთან” კავშირის დამტკიცების შემთხვევაში, ერდოღანი მზად არის გადადგეს

საქართველო, თბილისი - 10:23 | 01.12.2015

ნანახია: 1921

თურქეთის პრეზიდენტი რეჯეფ ტაიფ ერდოღანი გადადგება, თუ დადასტურდება ინფორმაცია თუქრული მხარის მიერ ”ისლამური სახელმწიფოს” კონტროლირებადი ტერიტორიიდან ნავთობის კონტრაბანდის შესახებ. მან შესაბამისი განცხადება პარიზში კლიმატის ცვლილებების სამიტზე გააკეთა.

”ვაცხადებ სრულაიდ ღიად: თუ მსგავსი ფაქტები დამტკიცდება, ჩემს პოსტზე არ დავრჩები. ამასთან ვეკითხები პატივცემულ პუტინს, ის დარჩება?” - აღნიშნა ერდოღანმა.

რუსეთის პრეზიდენტმა პარიზში კლიმატის ცვლილებების სამიტზე განაცხადა, რომ თურქული მხარის გადაწყვეტილება, რუსული სუ- 24-ს ჩამოგდებასთან დაკავშირებით მიზნად ნავთობის უსაფრთხო კონტრაბანდის უზრუნველყოფას ისახავდა. ვლადიმერ პუტინის მტკიცებით, თურქეთი ნავთობის კონტრაბანდას ”ისლამური სახელმწიფოს” მიერ კონტროლირებადი ტერიტორიიდან ახორციელებს. მისივე თქმით, არანაირი აუცილებლობა რუსული ავიაგამანადგურებლის ჩამოგდების არ არსებობდა, რადგანაც ის თურქეთს საფრთხეს არ უქმნიდა.