პარიზში კლიმატის საკითხებისადმი მიძღვნილი კონფერენცია გაიხსნა

პარიზში კლიმატის საკითხებისადმი მიძღვნილი კონფერენცია გაიხსნა. სამიტს 147 სახელმწიფოს ლიდერი ესწრება. გაეროს მიერ ორგანიზებული კლიმატის საკითხებისადმი მიძღვნილი საერთაშორისო კონფერენცია, რომელსაც საფრანგეთის დედაქალაქი 30 ნომებრიდან -11 დეკემბრის ჩათვლით უმასპინძლებს, პარიზში ცოტ ხნის წინ მომხდარი ტერაქტების გამო, გაზრდილი უსაფრთხოების ზომების პირობებში ჩაივლის.

კონფერენციაში მონაწილეობას მიიღებენ ასევე აშშ-ის, ჩინეთისა და რუსეთის პრეზიდენტები და ინდოეთის პრემიერ-მინისტრი. დელეგაციები იმსჯელებენ მიიღებენ გრძელვადიან შეთანხმებას, რამაც უნდა შეაჩეროს ატმოსფეროში სათბური ეფექტის გაზების ემისია, რასაც მეცნიერები გლობალური დათბობის გამომწვევ მთავარ მიზეზად მიიჩნევენ. 

კონფერენციის მთავარი თემის გარდა, განიხილება მსოფლიო უსაფრთხოების აქტუალური საკითხები, მათ შორის სირიის კრიზისი.

კონფერენციის გახსნის ცერემონიაზე სიტყვით გამოვა საქართველოს პრემიერ-მინისტრი ირაკლი ღარიბაშვილი და დაესწრება ოფიციალურ სადილს, რომელიც ფორუმის მონაწილე სახელმწიფოებისა და მთავრობების მეთაურთა პატივსაცემად გაიმართება. საქართველოს პრემიერ-მინისტრი პარიზის კონფერენციაზე მიიწვიეს საფრანგეთის პრეზიდენტმა ფრანსუა ოლანდმა და საგარეო საქმეთა მინისტრმა ლორან ფაბიუსმა