ირანული ავიაკომპანია ქალი პილოტების მიღებას გეგმავს

მსხვილმა ირანულმა ავიაკომპანია Iran Air-მა  სამსახურში ქალი პილოტების აყვანა გადაწყვიტა. ამის შესახებ ირანული გაზეთი Tehran Times-ი წერს.

 „ჩვენთვის ძალიან მნიშვნელოვანია, რომ  ჩვენს თანამშრომლებს შორის იყვნენ ქალი პილოტები“, -  განაცხადა ავიახაზების დირექტორმა ფარზანე შარაფბაფიმ.

ყოველ წელს Iran Air-ის ხელმძღვანელობა ვაკანსიებს აცხადებს, წელს აქცენტი გაკეთებული იქნება ქალების  მიღებაზე პილოტების რანგში.

ამ დროისათვის კომპანიის თანამშრომელთა 16 პროცენტს ქალები შეადგენენ.