ფიონჩანგში, სადაც ოლიმპიური თმაშები გაიმართება, ნოროვირუსით დაავადებულთა რაოდენობა იზრდება

სულ მცირე 86 ადამიანი ნოროვირუსის ნიშნებით საავადმყოფოში მოხვდა სამხრეთ კორეის ქალაქ ფიონჩანგში, სადაც 9-25 თებერვალს ზამთრის ოლიმპიური თამაშები გაიმართება.

დაავდებულთა შორის არიან პოლიციელები, ოლიმპიური იბიეტქების დაცვის წევრები, ასევე პერსონალი, რომელიც კვების ობიექტებში არიან დასაქმებულნი.  

ნოროვირუსის ნიშნები - ღებინება და დიარეა პირველად კვირას 41 ადამიანს დაუფიქსირდა, რომლებიც ოლიმპიადის ობიექტებს იცავენ.

კიდევ 1200-ზე მეტი დაცვის სამსახურის თანამშრომელი თავისი მოვალეობის შესრულებას ჩამოაშორეს, ისინი სამხედრო მოსამსახურეებმა ჩაანაცვლეს.

ოლიმპიური თამაშები ქალაქ ფიონჩანგში 9-25 თებერვალს გაიმართება.