ვერტმფრენის ჩამოვარდნის შედეგად 6 ადამიანი დაიკარგა

6 ადამიანი  დაიკარგა უგზო-უკვლოდ ტაივანის სანაპიროსთან ვერტმფრენის ჩამოვარდნის შედეგად.

არსებული ინფორმაციით, ამერიკული ვერტმფრენი „შავი ქორი“ ქალაქ ტაიდუნიდან კუნძულ ლაიუნის რაიონში სამედიცინო დახმარების გასაწევად მიფრინავდა.

უკან დაბრუნებისას ვერტმფრენთან კავშირი დაიკარგა, ის რადარებიდან გაქრა. მოგვიანებით დადასტურდა, რომ აფრენიდან რამდენიმე წუთში ის წყალში ჩავარდა.

ბორტზე ორი პილოტი, ერთი მექანიკოსი, ერთი ექიმი, ერთი პაციენტი და მისი თანხმლები პირი იმყოფებოდა. მათი ბედი ამ დრომდე უცნობია.

ამერიკული მრავალმხრივი დანიშნულების ვერტმფრენი „შავი ქორი“ (UH-60M Black Hawk) ტაივანის შეიარაღებაში 2010 წლიდან არის.